بسم الله الرحمن الرحيم
هذه ألقصيده وجهت لشاعر : ظافر بن حقان الجعيدي من اخوه : بن حويل الجعيدي
وهي بخصوص بعض المواضيع تحكي عن نفسها

ياالله ياللي تعلم القول والقيل
ياللي جميع الخلق تسجد رضىً له

يامن بيده الوزن والعدل والميل
رب الـخـلايـق كـلها تحت ضلـــه

يا خالقٍ الكـون والجدي وسهيل
رب الـبشـر محـمود مـحدنٍ يــمله

عبدك من الهاجس سهر تالي الليل
ويسامر نجوم السماء مع الاهلـه

سبت سحابة صيف قد هدت الحيل
فـيها الصـواعق والبرد مستـهلـه

مرت ولكن بعد ما جات بــالويل
للـي غـداء في سـعفها وقـت حلـه

وتسكرت الأبواب دونه مقافيل
كـم بري مسكين جاء الأمن شلـه

كله سبب بعض الشباب المهابيل
مـن قـل فـيه الدين يـشـين دلـه

يامن على الزلات قد له مداهيل
درب الـشرف والـجود ماهو يدله

بوصيك أنا يا مقند البن بالهيل
لاجــيت مـن الأشـكال هذي فزلـه

صبة لقـــوم يرتعوا بالمشاميل
لطامت العايل لا جاء وقت شـله

تاريخهم معروف ربع مشاكيل
ما يعرفوا فعل الــردى والـمذله

أهل الهضاب النايفات المطاليل
كــسابت النــاموس زبـن المقله

ربعي عيـال جعيد ركباه الخيل
سيــف المـهـابة كـل منـهم يسله

من بعد ذا يامرسلي بالتماثيل
أنشد علـى اللي بالمـراجل تدلــه

أركب على اللي يقطع البعد بالميل
سواقـة اللي فـي المخاطريتلــه

أنصى غلامٍ من خيار الرجاجيل
ظافر عسى ولد الردي فدوةٍ ألــه

مــن لابةٍ للضيف ذباحه الحيل
أهل الكرم صيت الجماله تشله

سلم وقله وش رايه في الجيل
اللي بـدوا بأفعـال مـنهم ممله

طال الصبر يا مسندي والبهاذيل
والفعل هـذا زود الــطين بـــله

هذا وعطــني رأيـكم بالتفاصيل
حيثك بالـلي يعـلم الهرج كلـه

الأبيات لك يا بن غفينة من حويل
وأرجو المعذرة كان في القول زله

جواب ظافر بن حقان الجعيدي على هادي محمد حويل الجعيدي

أدعيك يا من نزل الحق تنزيل
أدعيك حل الأمر ذي صعب حله

يا حامي الكعبة من الجيش والفيل
ويا مغرق اللي زاد كفره ودجله

سهل لعــبدك يا قريب التســاهيل
تسهيل في الدنيا وتسهيل قبله

من بعد ذا يا مرحبا بالمراسيل
ذي جاتنا عبر الجهازات عجله

باللي لهم في موقف الجود تأهيل
كمن فتى زايد على الطيب حبله

يا مرحبا منشأ صـدوق المخاييل
مــا لاح بــراقه ومـا هل وبلـه

بأبيــات فيها سر محفوظ ما قيل
وفيها شكــاوي معتبرها بسهله

تشكي من اللي في الخطا زود الكيل
لا ينفع أصحابه ولا هوب لأهله

شف الرداء ما فيه مرزق وتحصيل
وراعيه وصل حق طرده وعزله

وكمن رفيق ما نبا فيه تبـديل
والــيوم قد ودي من كـــان بدله

ودي بــخوه مكرمين المقابيل
اللي مواقفهم ســـمينة وجـزله

هذا كان تشكي سهر تالي الليل
فأنا ضــميري كنه مولع بذبـله

يمسي يشكل هاجس القلب تشكيل
والجسم كنه يحرك فيه نمـــله

من يوم شفنا في السماء نجم ابو ذيل
تاريخ يوم جعل لاعاد مـــثله

عفنا لذيذ النوم واحلى المقاييل
وعفنا قنـــاد مقــنده فالمــزله

لسباب ابو زايد زبون المراجيل
زبن المجنا ذي يزبنون المقله

يا ما حلى مبداء العصر بالدرابيل
عالي الرقيب وفيه من شرق رمله

شرقي عرابه زين تاك المحاليل
وتشوف ربعٍ واجهـت كل حــمله

سلم عليك كل الرجال المشاكيل
وارجوا المعذرة أن كان فالقول زله

اللةيعطيك العافيةبن حويل

شـكــ وبارك الله فيك ـــرا لك ... لك مني أجمل تحية
اخوك:مبخوت علي شنان الجعيدي.

صح الله لسان ظافر بن حقان الجعيدي

صح الله لسان هادي محمد حويل الجعيدي

ولاهنت يالذيب على المراسلة الرائعة والجزلة بين الشاعرين

صح لسانك الشاعر ضافر حقان الجعيدي ابدعتم جميعن ولا هنت يا طير شلوئ علا المراسله بين الشاعرين اخوكم حـــــــــــاصـــــل الجــــعـــــيــــــــدي

ناجي محمد الجعيدي صح لسان الشاعر محمد مبروك الجعيدي ابدعت يا ذيب