قصة محمد بن حفيظ في أخوه بداح - منتدى قبيلة الدواسر التوثيقي الرسمي -وموقع واجهة القبيلة-

11-25-2009, 01:05 AM

غزى آل حفيظ وجماعتهم في ناحية وغزى محمد بن فرج بن حفيظ في ناحية اخرى وترك ابله عندها فقط عبد وفيها ستين ناقة وذهب للمغزى .
المهم غزى على قوم وخذى أباعرهم ولحقوهم أهل الإبل وجاء بينهم طرّاد وفكّوا اهل الابل حلالهم ، وعوّد محمد بن حفيظ ويوم عود على اهله وعود على ابله ولين العبد مذبوح وإبله مأخوذه .

ولين آل حفيظ والشكره في ناحية اخرى وسمعوا بالخبر وجاءوا بالسلفان وبالخيل وجاءوا ناصين الأمير محمد بن فرج بن حفيظ ، واللي جاب فرس واللي جاب ابل :

أبشر بالعوض !! أبشر بالعوض !!

فقال الأمير محمد بن فرج بن حفيظ :

ياجماعة ، وفيتوا ولا هفيتوا وعلومكم كلها طيبه ، وانا باخذ بس فرس أخوي بدّاح ، والباقي كلن يرد حلاله صوب محله ، مراحنا اليوم خالي والصبح ان شاء الله بيمتلي .

وانشد هذه القصيدة :

حي الرجّال وحي من قال حيّيت = حي الرجال اللي طرّي ٍ نباها
(بدّاح) في عطى الأصايل تعدّيت = صفرا ً ولا قبلك كريم ٍ عطاها
بنت الحصان اللي قديمٍ على بيت = عساني اعطي من ظهرها جزاها
لاشفت انا صفرا ً من الخيل فزيّت = وكلن يفز لحاجته لا لقاها
يالربع هـاذي غايتـي لاتمنيـت=ربدا هوى نفسي وغايـة مناهـا
لاصاح صيّاح الضحى ثم تعليت =(ربدا) على الموت الحمر سقتناها
وان جيتنا عنـد المعقـل تثنيـت=مع لابة ماهـو بيسهـج حماهـا
انطح بهم وجـه العـدا ماتتقيـت=ابني بيوت الحرب وانطح شباهـا

12-01-2009, 07:04 PM

لاصاح صيّاح الضحى ثم تعليـت=(ربدا) على الموت الحمر سقتناها
اخوي عاااشق
قصه وقصيده رائعه
وصح الله لسان الشاعر ابن حفيظ

ودعتك الله فديتك

12-01-2009, 07:27 PM

لاهنت صح السانك مشاركه طيبه

12-01-2009, 07:54 PM

ناصر العرجاني الله يحفظك ومشكور على الأقتباس

12-01-2009, 07:55 PM

أبو تركي صح بدنك

11-25-2009, 01:05 AM	رقم المشاركة : [1]
فارس نشيط	قصة محمد بن حفيظ في أخوه بداح غزى آل حفيظ وجماعتهم في ناحية وغزى محمد بن فرج بن حفيظ في ناحية اخرى وترك ابله عندها فقط عبد وفيها ستين ناقة وذهب للمغزى . المهم غزى على قوم وخذى أباعرهم ولحقوهم أهل الإبل وجاء بينهم طرّاد وفكّوا اهل الابل حلالهم ، وعوّد محمد بن حفيظ ويوم عود على اهله وعود على ابله ولين العبد مذبوح وإبله مأخوذه . ولين آل حفيظ والشكره في ناحية اخرى وسمعوا بالخبر وجاءوا بالسلفان وبالخيل وجاءوا ناصين الأمير محمد بن فرج بن حفيظ ، واللي جاب فرس واللي جاب ابل : أبشر بالعوض !! أبشر بالعوض !! فقال الأمير محمد بن فرج بن حفيظ : ياجماعة ، وفيتوا ولا هفيتوا وعلومكم كلها طيبه ، وانا باخذ بس فرس أخوي بدّاح ، والباقي كلن يرد حلاله صوب محله ، مراحنا اليوم خالي والصبح ان شاء الله بيمتلي . وانشد هذه القصيدة : حي الرجّال وحي من قال حيّيت = حي الرجال اللي طرّي ٍ نباها (بدّاح) في عطى الأصايل تعدّيت = صفرا ً ولا قبلك كريم ٍ عطاها بنت الحصان اللي قديمٍ على بيت = عساني اعطي من ظهرها جزاها لاشفت انا صفرا ً من الخيل فزيّت = وكلن يفز لحاجته لا لقاها يالربع هـاذي غايتـي لاتمنيـت=ربدا هوى نفسي وغايـة مناهـا لاصاح صيّاح الضحى ثم تعليت =(ربدا) على الموت الحمر سقتناها وان جيتنا عنـد المعقـل تثنيـت=مع لابة ماهـو بيسهـج حماهـا انطح بهم وجـه العـدا ماتتقيـت=ابني بيوت الحرب وانطح شباهـا
فارس نشيط	التوقيع:

12-01-2009, 07:04 PM	رقم المشاركة : [2]
فارس جديد	لاصاح صيّاح الضحى ثم تعليـت=(ربدا) على الموت الحمر سقتناها اخوي عاااشق قصه وقصيده رائعه وصح الله لسان الشاعر ابن حفيظ ودعتك الله فديتك
فارس جديد

12-01-2009, 07:27 PM	رقم المشاركة : [3]
فارس مبدع	لاهنت صح السانك مشاركه طيبه
فارس مبدع

12-01-2009, 07:54 PM	رقم المشاركة : [4]
فارس نشيط	ناصر العرجاني الله يحفظك ومشكور على الأقتباس
فارس نشيط	التوقيع:

12-01-2009, 07:55 PM	رقم المشاركة : [5]
فارس نشيط	أبو تركي صح بدنك
فارس نشيط	التوقيع:

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري