ياراكبآ عملية(ن)تقطع البيد=حايل ثمان سنين هجن(ن)أصيلة
يركب عليها من خيار الاواليد=رجل(ن)لذيذ النوم مايستويله
ياطارشي سقها بليا تراديد=واصحى ترى الطرقة بعيد وطويلة
سقها كفاك الله شر المقاريد=واحمل خفيف الجش واترك ثقيلة
سقها وحط الجدي فوق الجلاميد=وسهيل قدم عيونهالك مخيلة
طرقتك عشر وخمس يابن الصناديد=وملفاك بحمام(ن)بذيك المسيلة
تلفي غمار(ن)كالسباع المجاليد=كلن يبي منك العلوم الجميلة
سلم على ذربين الايمان ياعيد=واختص منهم كاسبين النفيلة
لاجيتهم قل وين بن ظافر فهيد=من غير حقران لكم عنوتي له
عطه جواب مغرب(ن) داره بعيد=عساه يذكر يومني مع نزيله
يافهيد أنا حالي من الهم يافهيد=ماعاد منه ألا القليل وقليله
يافهيدأنا في ديرة الغرب يافهيد=مالي سوى رب العباد اشتكيله
يافهيدبالدنيا منافيع يافهيد=وبالآخرة محد(ن)يساعد عميله
يافهيد لوترسلنا خط يافهيد=عرفت مضمون الكلام وحصيله
لاخط جاني من قريب ولابعيد=ابات واصبح بالجروح العليله
من هجركم جددت الاحزان تجديد=كنه يولع في ضميري فتيله
ياحيف ياهجر(ن) على غير توكيد=مايهجر الامن مشى بالفشيله
يافهيد أنا ماجيت درب المناقيد=وش غيرك ياشوق ضافي الجديله
يافهيد خبرني عسى حظك سعيد=يرتاح قلبي من هموم(ن) ثقيله
لاتحسبني غافل (ن) منك يافهيد=قلبي معك في كل يوم(ن) وليله
يالله يامنشي القنوف المراعيد=ديدومة(ن) ماهي سحابة مخيله
من الكويت الى الشفا ديرة الصيد=ومن الحجاز الى الحسا مستخيله
وعلى جزيرة نجد من دون تحديد=ويسوقها الرحمن باحسن وسيلة
متشابك(ن) نوه حدور ومسانيد=ويمطر سماه من القنوف الثقيله
على السليل يمطر وسيله يزيد=والرمله الفيحا عليها جثيله
لجت طيوره بالفرح والتغاريد=فوق الروابي غردت غب سيله
يضحك ربابه فوق ديرة الاجاويد=آلاد زايد كاسبين النفيله
عز القصير لياشكا من الاضاديد=يبنون بيته فوق راس الطويله
توسم عصاه وليلته ليلة العيد=باطرافهم يرعى ويهمل هميله